مش ممكن، إتسألت السؤال ده أكتر من مليون مرة خلال أقل من شهرين. وساعات نفس الشخص يسأل نفس السؤال كل يوم بعد: "صباح الخير، عامل إيه ... هه أخبار الجواز إيه؟؟" ... نفس السؤال، بنفس الصيغة، وحتى بنفس التون والإحساس والضحكة الصفرا...

فى الأول كنت بحاول أدور وأعصر دماغى عشان أعرف أتكلم عن الجواز فى محاولة ناقصة للإجابة على السؤال المنيل ده. لكن أصلاً الشخص اللى قدامك مش عاوز يسمع، ده كان بيسأل وخلاص. مش لازم بقى نفلسف المواضيع ونعقدها. هى الناس متبرمجة على إنه الجواز عسل فى الفترة الأولى وبعدين بيقلب بصل بعد شوية، هتوجعله دماغه ليه بقى عشان يفكر فى حاله وإزاى ممكن يتغيير، فبقيت بجاوب دايماً وأقول: "ميه ميه" وأصبح هذا السؤال بالنسبة لى مثل باقى الأسئلة المعتادة يومياً والتى نستخدمها ونجاوب عنها بدون تفكير مثل: "إزيك، عامل إيه؟" فتكون الإجابة الآلية: "الحمد لله وإنت؟"

الغريبة إنه ممكن واحد ناوى يُخُطُب أو خاطب وناوى يتجوز، يسألنى بعد كده: "يعنى ندوس؟!!!!" وكأن تجربتى هى مؤشر للجواز من عدمه!!!

السؤال الوحيد اللى إحترمته وخلانى أفكر شوية سألهونى صديق فرنسى: "How deeply did the fact that you got married change you?" ولنا هنا وقفة آخرى

كان إخناتون مهموماً وهو يتطلع من شباك قصره
ينظر بعيون غائبة للخضرة والأشجار والورود التى تحيط بقصره
لكم يحب الطبيعة
لكم يتمنى أنه لم يولد ملكاً بل فلاحاً بسيطاً
يفكر كم هى معقدة حياة القصور
وكم هى بسيطة حياة الغيطان

فى القصر كل شئ معقد
الأكل بمواعيد ويتطلب كثير من الطقوس
الكلام بحساب ويجب أن يتبع آداب الكلام
الخروج والدخول وحتى الحركة داخل القصر يجب أن يسبقهم الكثير من الترتيبات