عجبتنى أغنية شريين فى فيلم "أسف على الإزعاج". لسه مشفتش الفيلم بس متوقع إنه يعجبنى وسؤال الإغنية (ويمكن الفيلم حسب ما أنا فاهم) هو "هتعمل إيه" قدام إكتشافك فجأة إنك إنت ماعدش إنت اللى كنت تعرفه، إتغيرت من جوالك بدون يمكن ما تعرف ولا تدرى، وفجأة وقفت قدام نفسك لتكتشف شخص آخر ... هتعمل إيه؟!!!

يمكن السؤال مهم دلوقت بالنسبة لىَّ لأنى حاسس إنى حياتى كلها بتتغير، أحياناً بمزاجى وأحياناً مش بمزاجى ويمكن أحياناً بتّغيَّر من غير معرف .. ومطلوب منى بس قبول التغيير ده والتكيف معاه!!!

وأدى الأغنية:



هتعمل إيه لو نمت يوم وصحيت .. بصيت
وشفت نفسك فى المرايا .. بكيت
جواك سؤال تصرخ تقول أنا مين ؟!
أنا زى ما أنا ولا إتقسمت اتنين؟!!
وبعدين .. بعدين


قولى يا اللى فى المرايا ..
فهمنى إيه الحكاية؟
فرحان تعبان مرتاح جواك؟!!
حاجات كتير فى حياتنا
إتسببت فى حيرتنا
وأدينا عايشين
راضيين .. جايين .. ورايحين


هتعمل إيه لو نمت وصحيت ولاقيت
أقرب ما ليك فى الدنيا مش حواليك ..
هوا إنت مين اللى عمل كده فيك ..
مش إنت ولا فيه حد غمى عينيك
وبعدين .. بعدين ..

كتاب "النبى" من أفضل الكتب التى قرأتها لجبران خليل جبران. الكتاب كُتب أساساً باللغة الإنجليزية عام 1923 ومن ثم تم ترجمته لأكثر من 50 لغة. هناك ترجمتان عربيتان - بحسب علمى - واحدة مصرية لثروت عكاشة وترجمة لبنانية ليوسف الخال.

الكتاب صغير من حيث عدد الصفحات مكون من 26 فصل قصير، إلا إن جبران يضع فيه كل رؤيته الفلسفية والصوفية للقضايا الأساسية التى يدعو لها النبى المصطفى (بحسب ما يدعوه): عن الحب، والزواج، والألم، والبيع والشراء، والحرية، و الجرائم والعقوبات، والعمل، والحياة والموت، والمساكن، والشرائع وغيرها!!!

إن جبران يرى أن الحب بين الناس "هو شريعة الحياة، عنده يلتقون، وامامه يتساوون، وعلى عبتاته يزول ما بينهم من فوارق، ويذوب ما بينهم من خصومات، وعن الحب تتفرع جميع مظاهر الحياة. العمل اساسه الحب، وكذلك الالم والدين والحرية والزواج، وكل رباط يربط بين القلوب والعقول والضمائر. ومشكلات الوجود جميعها - اولها وآخرها وما بينها من مراحل التقلب والتطور - ترجع عند جبران الى اصل واحد، وهو الحب." ثروت عكاشة

بغض النظر عن أن جبران كان كاتباً أو رساماً أو شاعراً،
وبغض النظر عن أن يسوع كان نبياً أو آلهاً،
وبغض النظر عن إن إخناتون كان فرعوناً أو رسولاً،
وبغض النظر عن أن الأم تيريزا كانت راهبة أو قديسة،
وبغض النظر عن أن غاندى كان مناضلاً أو قائداً،
فجميعهم بالنسبة لى هم أنبياء للحب.

فى النهاية، عايز أضيف إنه تم إضافة النسخة العربية لكتاب "النبى" على ويكى مصدر حيث أنها الأقرب للنسخة الأصلية.

عجبتنى أغنية "قلبى ليك" الجديدة لشريين وهانى شاكر على الرغم إنى مش بحب أوى أغانى هانى شاكر لأنها نكد أوى لكن ده لا يمنع إنه صوته جميل، زائد صوت شريين الرائع. الأغنية دى لليلتى. كلمات الأغنية معبرة شوية صغيريين عن اللى عايز أقوله بس مش بطال :)

على نفس الأغنية الموجودة فى البوست اللى فات، صمم شاهد عيان رقصة بسيكودراما بسيطة لحفلة السنة العاشرة لنشاط "الكل فى واحد". يقوم بالأداء بعض الشباب ذوى الاحتياجات الخاصة بمساعدة شباب أصدقاء من النشاط.

أغنية حزينة لمروان خورى من كلمات الأبنودى أجد كلماتها القصيرة حقيقية تعبر عنى دائماً تجبرنى أن أبكى أحياناً:

بنلف فى دواير .... والدنيا تلف بينا
ديماً ننتهى لمترح مابتدينا
طيور الفجر تايهة فى عتمة المدينة
بتدووور.....

ما بنكتبش الرسايل ما بننتظرش رد
لحد فى يوم سمعنا ولا بنسمع حد
طيور العمر تايهة فى عتمة المدينة
بتدووووووور......

ساكنين فى عالم بيعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور

بنلف فى دواير ندور على الأمان
وتلاقينا رجعنا تانى لنفس المكان
ندوور... ندووووور... ندوور..

نحلم ونحلم بالحياة المفرحة
وأتارى أحلامنا بلا أجنحة .... بلا أجنحة

ندور .. ندور.. ندور بجناح حزين مكسور
ساعات نشوف فى العتمة و ساعات نتوه فى النور
وساعات عيونا بالأسى تفرح
وساعات فى ساعة الفرح منوحة ...