A Whisper

أنا الكلام ده لسة رادد بيه في بلوج تاني بس واضح انه حايكون نفس الرد في كل بلوج أقرأه النهارده ...

.
.
.

لا يا يسرا … مأظنش محمد قصده كدة … المقصود انه واحد قاصد تخريب و وقيعة بغض النظر مكتوب فبطاقته أيه … مسلم / مسيحي / يهودي / كافر !!

الحادثة بالشكل ده شكلها عيال صيع متسلطين … وزي حوار ال سي دي بتاع كنيسة محرم بك ما بيقولو كان بعلم الأمن وهما سابوه يكبر كده - برضه ده !

فيه ناس بيلعبو بالعلاقة بين المسلمين والمسحيين كل مايتزنئو و يحبو يشوشرو على “حاجة وسخة” بيعملوها

عارفة انه فيه اعتصام في ميدان التحرير يوم الحد اللي جاي !
قريتي ولا سمعتي حوار المرشد بتاع الإخوان المسلمين والهوجة دي …

طب بقى سمعتي الحوار بتاع الريس فالعربية وردود الأفعال اللي مش عاوزة تقف !!

ولا وني مش من محبي “نظرية المؤامرة” لاكن حاولي تفكري المرة دي من منظورها !!

ربما هو يقصد المواطنون العاديون ، المسلمون والمسيحيون الذين لاتستطيع ان تميز بينهم ، المسيحيون المصريون الذين كانوا يشاركوننا الافطار فى شهر رمضان المسيحيون والمسلمون الذين تنشأ بينهم احلى صداقات العمر ، ربما تكون انت الان فى لحظة انفعالية استطيع ان اتفهمها واستطيع ان اقدرها وان احترمها ولكن الفاعلون المجرمون من عناصر التطرف او من دعاة الاسلام هو الحل هم الذين يمررون علينا عيشتنا هم الذين يريدون تحويل حياتنا الى جحيم مسلمون ومسيحيون ولك ان تعلم اذا استطاع الاخوان المسلمون الوصول الى الحكم هناك مسلمون ايضا سوف يتم رجمهم وحرقهم وضربهم بالسكاكين .. انا اعتبر من الرهط المسلم وكانت عناصر الجماعات الدينية فى الجامعات تعتدى علينا بالسكاكين والجنازير وتسكب ماء النار فى وجوة الفتيات الغير محجبات .. ارجو ان تفكر فى هذة الامور قبل ان يختلط عندك الحابل بالنابل كما يقولون .. الارهابيون لو تمكنوا لن يفرقوا بين المسيحى وبين المسلم الذى يعارضهم .. هل تسمع وترى كيف يقتل المسلمون المسلمين فى العراق ..؟

يشرح لك ازاى وهو ميت ..؟

ازاى بقى مش شايف اى حل

الحلول اللى انت كاتبها دى كلها مؤقته ولاتؤدى الى استقرار كامل فى العلاقة بين المسلم والمسيحى لان الاساس هو المواطنه هو تغيير الدستور هو علمنة الدولة هو فصل السلطات هو مساواة الجميع امام قانون واحد هو عدم فرض الشريعه الاسلامية على المسيحين هو اعتبار المسيحين اصحاب نفس الحق فى الوطن لهم حق العمل وحق التعيين فى كل الوظائف وكافة الوظائف دون تمييز او تفرقة الا بمعيار الكفاءة فقط ، ان الدولة المدنية هى الضمان الوحيد للتعايش والتجاور ان خضوع الجميع لقانون مدنى واحد هو الضمان لحرية الجميع اما الحلول الوقتية التلفيقية فلن تؤدى الى اى شئ خصوصا حين يستقوى الاخوان المسلمون على الجميع ..؟

يمكن ولا حل من الحلول اللي اتكلمت عليها ينفع .. ويمكن لازم نلجأ ليها كلها على بعضها .. مش عارفة .. ايه العمل؟؟ .. لو اتسألت في المستقبل انا عملت ايه وسط الهوجة ده هاقول ايه ؟؟؟

اتضايقت ؟؟ وشجبت وزعلت ؟؟ طظ .. وبعدين ...؟؟ ايه اللي قدرت اعمله ..

انا ضد نص الحلول اللي فوق ..
1-موافقاك تماما على ان العنف مش حل .. واصلا الاقباط ميعرفوش العنف .. وليس لديهم قدرة على ارتكابه .. ومش وارد في القاموس القبطي اصلا .. وده لان مهما حاولنا نقول غير كده الهنا اله محبة وسلام .. وفي نفس الوقت مش اله سلبية واستسلام

2- نستكين فى البيت ونصلى إن ربنا يزيح عنا
الحل التاني ماينفعش خالص .. رغم ان ده كل الكهنة ورجال الدين بيدعوله .. لكن خلاص ما ينفعش .. الصلاة ضرورة وربنا بيستجيب للصلاة البار لانها تقتدر جدا في فعلها زي ما قال .. لكن في نفس الوقت لازم نعمل حاجة تانية .. لازم نطالب بحقوقنا في قنواتها الشرعية وبمنتهى الحزم .. احنا مش قليلين لكن استسلامنا للاوضاع هو السبب في اللي احنا فيه دلوقتي .. الحكومة لا تقيم أي وزن للاقباط سوى خوفا من اقباط المهجر .. واحنا السبب لاننا لا نملك اي ثقل في الداخل .. ولما نطلع بره صوتنا يعلى ونبقى كويسين .. حاجة تفلق ..

--- وانا معاك تماما في رفض اي دور سياسي للكنيسة ولا للجامع ولا لاي مؤسسة دينية مهما كانت .. الدين لما بيدخل في السياسة بيلخبط السياسة وبيخرب الدين ...
لكن اعتقد ان يجب ان يكون هناك رد فعل ما من البابا .. لازم .. رد فعل غير عنيف ولا عدائي ولكن رد فعل يحافظ على احترام وكرامة الاقباط وحرمة بيت الله الي اهينت على يد الجهلة والحمقى والمختلين ورجال الامن قبلهم كلهم ..

عارف ؟؟؟ عجبني جدا موقف الكنيسة القبطية في النمسا .. قرأت انهم يستقبلون كل سنة السفير المصري في النمسا يوم العيد في إطار تبادل التهاني والكلام الفارغ ده .. السنة دي الكنيسة كان ليها موقف جميل .. بعتت للسفارة وقالت انها تأسف لانها لن تستطيع استقبال احد هذا العام احتجاجا على ما حدث ..

واعتقد ان هذا ما يجب أن يفعله البابا حفاظا على كرامة الاقباط وحقنا لغضبهم واحتواء للموقف .. ان يمتنع عن استقبال احد مندوب من مندوبي النفاق الحكومي للتهنئة بالعيد وان يعلن ان الكنيسة في حالة حداد على الضحايا وترفض استقبال تهاني ..
واعتقد ان دي اقل موقف يمكن اللجوء اليه .. واللي من شأنه تهدئة آلاف من المسيحيين الغاضبين ..

-اقباط المهجر .. لا .. رغم انهم الورقة الرابحة لاقباط الداخل الان لكن الاجندة مختلفة تماما .. اقباط المهجر لا ينيهم سوى الملف القبطي فقط لا غير .. ولكننا نريد تغييرا للجميع .. لن نتحالف مع نظام فاسد علشان كام كرسي في البرلمان .. وكام وطيفة ...هم من حقهم كمصريين الاهتمام والمشاركة لكن فعلا اهتمامهم مختلف تماما عننا .. احنا بنطالب بتطبيق القانون واحترامه واحترام آدمية الانسان وحقوق مواطنته ولما ده يحصل يمكنك كقبطي تطالب بحقك بموجب القانون وتحصل عليه .. كما انه فعلا دورهم الان ليه نتائج عكسية رغم حسن النوايا. لكننا الان في حاجة إليهم .. لانهم ورقة الضغط الخفيفة التي يمكنها حقن الدماء ولو مؤقتا لان الحكومة بتخاف منهم ..
-لان حكومة بلدنا يا سيدي الفاضل ما تجيش غير بالخوف .. الحكومة تحترم الاخوان وبتعملهم ألف حساب لانها بتخاف منهم .. وكان لازم يكون لينا نفس القوة الداخلية الفاعلة لموازنة القوى .. ولكن ده مستحيل فاقباط المهجر هما ورقة الضغط المتوفرة .. لكن رأيي الشخصي انا اكثر ميلا لقوى المعارضة العلمانية ودعاة الدولة المدنية لانها الامل الوحيد في البلد دي قبل ما تتحرق.

---بعد ما كتبت المشاركة اللي فاتت قريت رسالة للدكتورة وفاء سلطان وضعت فيها بعض الحلول العملية جدا في رأيي .. وهي كتبت الرسالة دي يوم 14/4/2006

(ردا على الأحداث المؤلمة التي طالتكم وطالت مقدساتكم من قبل زمرة من المجرمين والإرهابيين، مدعومين من قبل حكومتهم الأشدّ إجراما وإرهابا، التي ما برحت تغزو حرماتكم وتسيء إلى كرامتكم لا املك إلاّ أن أقول، وبعد أن بلغ السيل حدّ الزبى، اليوم يومكم وعمل اليوم لا يؤجّل إلى الغد!
احملوا محبّتكم وانزلوا إلى شوارع مصر رجالا ونساء، شيوخا وشبابا وأطفالا. الإنسان يحيا حياته مرّة واحدة ويموت مرّة واحدة!
لا تضربوا.. لا تحرقوا.. لا تهدموا.. لا تسيئوا إلى احد، فالمحبّة لا تعرف شرا.
انزلوا إلى الشوارع وارفعوا محبّتكم على يافطات. دعوا تلك اليافطات تتكلّم عن قضيّتكم.
اصمتوا.. فالصمت ابلغ لغة!
تظاهروا في الشوارع ودعوا صمتكم يتكلّم للعالم عن آلامكم وآمالكم.
وأنني، ومن خلال تلك الكلمة، أتوجه للبابا شنودة بل وأتوسل إليه أن يمشي في مقدمة مسيرتكم.
لا تتراجعوا تحت سياط مجرمي السلطة.. ناموا في الشوارع احتجاجا على الإرهاب الذي يرتكب بحقكّم.
العالم الحرّ ليس بعيدا عنكم.. نحن معكم ونتابع باهتمام أخباركم. عليكم مساعدتنا والالتزام بواجبكم حيال الأجيال القادمة التي لا نريد أن نورثّها ما ورثناه من ظلم واضطهاد وآلام.
أتوسّل إليكم أن تتركوا كلّ شيء وراءكم وتبدءوا المسيرة، مسيرة من ملايين المضّطهدين والمظلومين.
هكذا يطالب الأحرار والشرفاء بحقوقهم. العنف لا يقابل بالعنف، بل بالمحبّة وهي من صميم تعاليمكم.
مصر ملك لكم، وحرقها أمل كلّ إرهابي فهم لا يسعدون إلاّ بالدمار. سدّوا عليهم الطريق
واظهروا للعالم بأنّكم بشر مسالمون لا تبتغون إلا حياة بعزّة وكرامة.
انزلوا إلى شوارع مصر ودعوا مسيرتكم تروي قصة اضطهادكم. وسنتظاهر نحن هنا
تضافرا معكم.
أنني سأتطلع، ومعي كلّ قبطي في الخارج، إلى جماهيركم تملأ شوارع مصر وتحتج بصمتها ومحبتها أمام العالم كلّه.
اليوم يومكم ورجاء أن لا تؤجلوا عمل اليوم إلى الغد.
نحن معكم بقلوبنا وفكرنا ووقتنا وكلّ ما تتطلبه قضيتكم.
وآمل أن أرى البابا شنودة يتقدّم مسيرتكم.
رجاء أن لا تخيّبوا أملنا بكم.
فالإنسان لا يعيش حياته إلاّ مرة واحدة، ولذلك علينا أن نعيشها بكرامة أو نموت دون ذلك .
فإلى المسيرة أيها الأخوة والله ونحن معكم.
في رعاية الله . انتم
أختكم في النضال والإنسانية.)

ايه رأيك .. ؟؟؟ انا شايفة ان كلامها منطقي جدا جدا .. وقابل للتحقيق .. صحيح احنا كأقباط اتربينا على الانسحاب والانتظار وعدم التصرف إلا ان الحلول المقدمة في الرسالة دي عملية جدا .. والمصريين خلاص داقوا طعم الشارع ويسهل عليهم التظاهر السلمي ويمكنهم تنفيذه .. ولو اتنظم مرة واحدة صح .. هيبقى علامة فارقة فعلا ..

التظاهر بقى مظهر حضاري واداة فعالة .. مش هنتظاهر في الكاتدرائية .. احنا مصريين ومطالبنا مش عند سيدنا البابا .. مطالبنا عن الحكومة ووزارة الداخلية والنظام الفاسد .. ومش اقباط بس .. لا اقباط ومسلمين المعتدلين العقلاء منهم .. نريد مصارحة وكلام على المكشوف وحلول .. نريد حقوقنا .. تعامل امني افضل .. اقالة وزير الداخلية .. تحويل قضايا الاقباط إلى ملف أمني لا يتعامل معه سوى أمن الدولة .. والمطالب لن تنتهي .. نبدأ بأبسطها واصغرها ..

بس على الاقل .. لما ولادنا بعد سنين يسألونا .. نبقى نلاقي كلام عدل نعرف نقوله ..

عذرا للاطالة
وكل سنة واحنا لسه برضه بخير
ويارب افراح قيامته تعزي قلب كل حزين