رايح الشغل فى العربية. أشغل نجوم FM. برنامج ينصح غير الصائميين من خلال تليفونات ورسائل الـ SMS للمستمعين. واحد مسيحى باعت رسالة بتقول: "أنا مش بأكل قدام إخوانا المسلمين عشان براعى مشاعرهم" ويشكره مقدم البرنامج ويقول: "ده اللى إحنا عايزينه"
Why google is developing everything (GTalk, Google Desktop, ...) for Microsoft Windows only and not for Linux too, knowing that Linux is being very popular now?!!!
أتفرج على جرنان الأهرام الموجود أمامى لغاية لما صحبى يخلّص التليفون. يسألنى: - فيه حاجة مهمة؟!! - لأ، فقط أخر صفحة :) - فيها إيه؟ - أسرة السادات واخدة الصفحة تستسمح فيها الريس عشان طلعت السادات!!! - ليه هو ايه اللى حصل؟! - هو إنت متعرفش، مش طلعت السادات طلب فتح ملف إغتيال السادات وإتهم الجيش والداخلية بالتوطؤ مع الجهات المنفذة - هو مين الجهات المنفذة أصلاً - والله ماعدت عارف !!! واحد صاحبى تانى نشرب سجارتين بعيد عن الأعين عشان إحنا فى رمضان ومش عايزين نضايق حد. سألنى: - شوفت أخر حلقة لأبونا زكريا؟ - لأ، الحقيقة مش بحب أتفرج عليه - ليه؟!! - مش بيعجبنى أسلوبه - ولا أنا بس كان بيتكلم عن جواز مش عارف اسمه ايه كده، حاجة كده إنك ممكن تتجوز لما تتكون مسافر فى بلد بعيد ولما تسيب البلد خلاص كأنك طلقتها... - بص، أنا بشوف إن اللى بيعمله أبونا زكريا ده لا بيفيدنى كمسيحى ولا بيفيد المسلم لأنه مش هيقوى إيمانى يعنى لما أعرف إن الاسلام فيه نقاط ضعف لأن المسيحية كمان فيها نقاط ضعف كتير لو ناقشتها على مستوى العقل فقط هتضحك علينا وتقول إيه الهبل ده. الموضوع محتاج إيمان، ده إيمانى كمسيحى ومقتنع بيه وده إيمان المسلم ومقتنع بيه. لكن اللى بيعمله أبونا زكريا إنه مش بيخلينى أعيش فى سلام لا مع نفسى ولا مع صاحبى المسلم. بس طقت فى دماغى فكرة أعمل بيان زى اللى عملناه أيام أحداث محرم بك فى الأسكندرية ونجمع توقيعات مسيحيين للأعتراض على ابونا زكريا وأسلوبه. أروح إجتماع مع زمايلى فى رفاق الكرمة (حركة مسيحية كنسية). أصل متأخراً بضع دقائق فى وسط الصلاة. تتنتهى الصلاة وتبدأ المشاركة اللى متحضرة من أحد الزملاء. مجموعة صور على الأرض وكل واحد يختار صورة ويشارك عما تعبر له هذه الصورة بالاضافة لسؤال على الهامش: "كيف أعيش كمسيحى فى رمضان؟" المشاركة عن الصور تقليدية ولكن السؤال الهامشى فتح باب النقاش الحقيقى، هل يجب أن نأكل ونشرب مثلاً أمام المسلمين الصائمين؟ هل لدينا دور كمسيحيين نحو المسلمين الفقراء فى رمضان بالذات؟ البعض قال عادى من حقى إن أعيش حياتى وأكل وأشرب لكن بدون إستفزاز زى ما هم كمان يأكلوا لحمة قدامنا لما بنكون صايمين، وآخرون (منهم أنا) قلنا لا نستطيع أن نأكل ونشرب أمامهم مراعاة لمشعارهم، وأخرون قالوا لا نستطيع لأننا نخاف أن نُشتم أو نُضرب!!! أما عن دورنا نحو الفقراء المسلمين فهنا إحدت الحوار، ناس تقول الكنيسة أولاً وناس تقول مفيش فرق بين فقير مسلم أو مسيحى. ناس تتكلم إن العشور (ما يقابل فكرة الزكاة فى المسيحية) يجب أن يذهب للكنيسة وللمسيحيين لأنهم أولى وناس تقول ده فكر مُعاق لأن الله لا يفرق بين البشر على أساس دينهم. كيف أتعامل مع شخص ملتحى ملتزم متدين ويكرهنى من الأساس؟!! كيف يوافق الناس على العنف والقتل بإسم الدين وكيف يؤيد البعض ما حدث مثلاً فى 11 سبتمبر؟!! هل لأن الأمريكان يساعدون إسرائيل فى قمع بل قتل أطفال ونساء ورجال مدنيين فلسطينين كانوا أو عراقيين أو المذابح التى حدثت فى كوسوفا والبوسنة والهرسك مبرر كافى أن نقتل أطفالهم ونساءهم ورجالهم المدنيين فى بيوتهم وأماكن عملهم؟!!! لست أدرى... على القهوة لوحدى فى آخر اليوم بشرب عناب وحجر شيشة عشان أريح دماغى شوية أو يمكن أنسى... قاعد جنبى رجل عاجوز لوحدة يسمع عبد الحليم فى الراديو. يفتح معى حوار: - الناس بقت فراعنة يا أستاذ - إزاى يعنى؟!! - محدش بقى همه حاجة، كله بياخد حقه بذراعه - صلى على النبى - عليه الصلاة والسلام ويحكيلى عن حادثة تعدى فيها سائق ملاكى بشومة على سائق تاكسى عشان مش عايز يعديه. أقوله: - بس مش كل الناس كده، دى ناس مخاها زى اللى فى رجليها - صلى على النبى أقوله وأنا بضحك فى سرى لأنه ميعرفش إنى مسيحى: - عليه الصلاة والسلام ثم يحكيلى قصة آخرى لما طلع عليه واحد سكران الصبح الساعة ستة وهدده بمضواه إنه يطلع اللى فى جيبه. يستكمل: - كان فى جيبى خمسة جنية. إدتهاله أعمل ايه يعنى أسيبه يعورنى - مش مهم الفلوس، المهم إنه ما يعملكش حاجة يقول: - إنت عارف فيه واحد جرح الحرس الجمهورى بتاع الريس بمضواه أنتبه وأسأله: - ده إمتى ده!!! - من زمان... - أه بس عمرى ما سمعت عن الحادثة دى يكمل: - تعرف إنه أنور السادات إتقتل وسط الحاشية بتوعه - آه عارف - لكن الحاشية نفسها هى اللى قتلته أسكت وأفكر هل يعتقد هذا الرجل العجوز البسيط فى ذلك. كل يعتقد البسطاء ذلك. يمكن يكون صح ويمكن يكون سمع طلعت السادات وبيكرر كلامه وخلاص... تفتكروا "هو" فين فى اليوم والأحداث دى كلها؟!! |
|||
Technorati Tags: 
ألانسان والحرية...
بص يا أخناتون انا عندي رأي وقلتهولك من يومين في الموضوع ده بس مش بالتفصيل، أنا هكتبه هنا ويمكن بعد كده أحطه على المدونة بتاعتي، على فكرة أنا بتكلم في موضوع أكل غير الصائمين في رمضان أو لا. أنا كمان حبيت أقول في الأول أن غير الصائمين دول فيهم مسلمين ومسيحين وغيرهم، آلي قد يكونوا على آي دين أو غير مؤمنين بوجود الله أصلاً.
عندي حاجتين مهمين جداً أولاً مشاعر الأخرين ومراعتها، ثانياً حرية الأنسان وقدرته على أن يكون ما يريده أن يكون في آي وقت وآي زمان.
بالنسبة لمشاعر الأخرين أنا مش باكل قدام حد في رمضان بالأخص بالشغل مثلاً، بس مش عشان أنا شايف أن ده هيجرخهم، أنا واثق أن ده مش هيجرحهم لأني طول عمري بصوم سواءً بدون أكل خالص أو عن حاجات معينة والناس كلها بتاكل حوليا وكمان بعضهم بكون عارف أني صايم وده مكانش بيجرحني أبداً. أنا مبكولش عشان في ناس أو تيار نجح أنه يقنع المجتمع أن لو حد أكل قدامك ده بيهينك ومش بيحترم مشاعرك، وأنا مش ممكن تكون ده أبداً الرسالة آلي أنا عايز أوصلها للناس. لكن لو بصنا للموضوع بعمق أكتر هنلاقي أن الفكرة ده أصلها محاولة أعطاء صورة أو شكل معين للمجتمع، يعني بصورة أخرى محاولة للهيمنة على المجتمع سواءً كان المسلم أو المسيحي وألغاء حرية الفرد، يعني أنا لما كنت في الجيش كان لي أصحابي كتير مسلمين مش بيصوموا لكن طبعاً مكانوش بيقدروا يقولوا ده قدام أصدقاءنا المسلمين لأنهم هينظرولهم نظرة أحتقار، وحتى آلي هيبصلهم بأحترام أقل شيء مش هيبطل يديهم في مواعظ لحد ميكرههم في عيشتهم. أحنا مجتمع بيرفض حرية الفرد بكل المقايس وبيحاول يعمل هيمنة على كل الأفراد آلي داخله بأشكال مختلفة.
هحكيلك حكاية هنا أنا فعلاً بتعطيني أمل كبير أنا لي واحد صديقي من الشغل من أعز أصدقائي هو مسلم (أنا طول عمري ما بعرفه بهذا الشكل أنا بس عشان أكمل الحكاية) صاحبي ده فعلاً متدين، متدين بجد مش تمثيل ولا عشان عايز مصلحة من حد. السنة آلي فاتت تصادف أني كنت بزورة أثناء رمضان قبل الفطار، بعد مداخلت عنده راح جايب طبق فاكهة وقدملي وأصر أني أكل طبعاً أنا رفضت. وكان بيقولي أنا صايم أنت ذنبك أه أنت متكولش عشان أنا صايم. بس ده فعلاً شخص قادر يفهم معنى صيامه وفي نفس الوقت معنى حريتي كأنسان. أنا شايف المشكلة الأساسية في المفهوم السائد أن آلي بياكل قدامك ده مش بيراعي مشاعرك.
تاني حاجة عايز أعلق عليها هي من أحق بالصدقة المسلم ولا المسيحي؟ عارف مين يا أخناتون الشخص الأحق بالصدفة هو الشخص الملحد، لأنك لو ساعدت المسيحي عشان هو مسيحي زيك يبقى أنت لسه لحد دلوقتي مفعمتش أصلاً يعني أه عطاء ولو ساعدت المسلم عشان تقول أنك بتحب المسلمين كمان يبقى أنت بتستخدم الناس. الأحق بالصدقة هو الأكثر أحتياجاً من وجهة نظر كل أنسان وكمان أنطلاقاً من كل موقف. من ساعة ما قراءت التدوينة وده فيه فكرة نشطت تاني في دماغي وهي أني نفسي أعمل مائدة رحمان في رمضان بس لناس محدش داريان بيهم لو عندك فكرة قولي ولسة في فرصة نعملها.
أقراء التدوينة ده هتعجبك:
http://diasporicdiscontents.blogspot.com/2006/10/charity-castes.html
عجبتنى كام جملة
عجبتنى كام جملة إنت كاتبها وأحب أركز عليها:
أما بالنسبة للأحق فى العطاء فأنا أتفق معاك جداً فى أنه الأكثر احتياجاً أى كان إنتمائاته الدينية أو الأيدولوجية.
وشكراً على التدوينة، فعلاً عجبتنى.
عزيزي
عزيزي إخناتون
كتبت تعليق طويل
حسيت إنه فيه كلام كتير
قررت منشروش
قررت أكتب بداله شكر على هذا البوست الجميل .
إن شاء الله ناوي أكتب في مدونتي حاجة تضم الأفكار اللي كنت عايز أقولها في التعليق .
بشكرك تاني .
فين يا عبد الرحمن
فين يا عبد الرحمن البوست بتاعك؟
بلو بتتكلم
i like "eye witness" comment loads... but if i may clarify something..
in Islam there are 2 things: "Zakah" & "sadaka".. and they are totally different..
IN english both are translated as "Charity".. while "Sadaka" only is the charity.. and -if you notice- alot tend to translate "zakah" as "Zakah"
الزكاة شريعة اسلامية، وركن من اركان الاسلام الخمسة. فرضت على المسلم فى اوجه معينة و كيفية معنية... والمخصوص بالزكاة هم الفقراء و المحتاجين و العاملين عليها
وتكون للمسلم اولا، ثم اهل الكتاب
انما الصدقة بقى دى اللى ملهاش اى تحديد.. انت بتعمل الصدقة من باب اخلاصك لله عزوجل وتديها لاى فرد تصادفه، براحتك.. ومش لازم تكون مال.. الصدقة انواع ومراتب مختلفة.. وبتبدأ بابتسامة
وحتى فى حاجة... الزكاة على تجوز على الاصل والفروع.. يعنى لا تجوز على الاب و الابناء مثلا.. انما الصدقة تجوز
واتفق مع
eyewitness
تانى فى موضوع الاكل فى رمضان... وبالفعل فى كتير من زملائى المسيحيين بقم بيكلوا فى نهار رمضان... والحق انا شايفه انه من حقهم.. عشان حاسة بمعاناه بتضيع عليا تحصيل اليوم كله تقريبا فى الكلية.. طب على الاقل انا بطيع امر فى الدين و باخد ثواب -عشمى كدة ان شاء الله- انما همه ايه اللى عايد عليهم
وغير كدة او كدة ما بنشوف برنامج الاكل طول النهار فى رمضان.. وروايح المطبخ من الست الحاجة بتهفف فى الرايحة و الجايات... تفتكر انه سواء اللى قدامى كل او لاء راح تفرق كتير؟
بى اس:
اظن ان "هو" السبب فى الاحداث دى كلها
المجتمع يقمع بممارساته على حرية الفرد
شكراً لست أدرى على التوضيح لكن شاعد عيان قال نقطة مهمة: المجتمع يقمع بممارساته على حرية الفرد.
وإيجاد التوازن بين المجتمع وحرية الفرد هى الفكرة على ما أعتقد اللى كان عايز "هو" أنتبه ليها
تعليق و بس
أنا كنت اتكلمت قبل كده http://ikhnaton2.com/whisper/node/216#comment-2821 على أستاذ الثانوية العامة بتاعي و كنا بناخد دروس مرتين في الأسبوع يعني كان فيه 8 حصص في رمضان، المدرس مكانش حتى بيشرب الشاي اللي متعود يشربه كل حصة عشان احنا في رمضان و حتى لما كان بيبقى تعبان جدا و يطلب شاي كنا نقعد نهزر معاه و نقوله يدينا شوية من غير ما يقول لحد ان احنا بنشرب شاي في رمضان. بالمناسبة صاحب البيت كان اسمه مارتين و كان صاحبي قوي و فهمت كذا مرة من كلامه إن هما مش بيفطروا قبل آخر النهار أو على الأقل بيعملوا الغدا ع المغرب. و برضه جارنا في الشارع استاذ كمال عرفت أنه بيفطر المغرب مع أنه في بيته بس هوه بيحس أن كده بيفطر معاه كل حبايبه و جيرانه
نسيت...
نسيت أقولكم أن بجدّ أحلى بسكوت كلته كان عند مارتن صاحبي أيام ما كان صايم لأنهم كانو بيعملوا بسكوت تحفة أيام الصيام
Why google is developing
Popular !!
Linux is popular rightnow !!!!!!!
Come on dude,you can just say that the majority of the end users allover the globe don't know what linux is.
Always majorities control minorities
Exactly EgyHorus, that's the answer I'm waiting for. So for Google as monopoly company is playing the same game of Microsoft.
Monopoly is the point behind this post either regarding Google, Sadat death, Ramadan fasting or different kinds of religious donations.
Always majorities control minorities!!!
bala masha3er bala kalam fare3'
ana kont 3ayza akteb 3an elmawdou3 dah men zaman awy (i did now)...ana msh 3ayza 2a2ollak ra2ye kollo bsara7a 3ashan feh nas hatez3al...
ana msh 3arfa elnas tel3et f mawdou3 mora3at elmasha3er dah...bala masha3er bala neela..mahom haylo3'o 3la elma3'reb ya3ne msh ma7romeen toul 3omrohom zay el3eyal elle msh la2ya lo2ma takolha toul elsana...masha3er eh bas ysoumo f bet-hom w maytala3oush arafhom 3la elnas...feh nas ta3bana..mate2darsh t3eesh men 3'er el pills aw ennohom akeed lazem yaklo abl el dawa...bardo mayakloush 3ashan 7'ater masha3er 7adret elsayem...ma yetfel2o homm w syamhom...bgad ana sa3at lama bashouf elnas deh ba7es b araf bgad....tab mana basoum 3ady..w bashouf nas btakol 3ady...w batbo7' m3 mama 3ady...w lama ay bent men my sisters aw mama beteftar betakol 3ady...w masha3re zay elfoll ahe...
balash dala3 wennabe w seebo elnas f 7alha...
msh hatawel kteer 3ashan i hate long comments...wana i don't write but long comments..lol
هي المشكلة مش
هي المشكلة مش مشكلة اكل في الاساس .. لانه في النهاية زي ما اغلب الناس قالت ده حرية شخصية واتفق تماما مع (eyewitness) في اللي قاله من ان مجتمعنا ضد حرية الفرد اصلا .. وكنت زمان بنزعج جدا لما احس ان فيه بعض القواعد بتفرض علي لمجرد انها سائدة في المجتمع وكنت دايما اقول (لما انتوا صايمين انا ذنبي ايه .. انتوا بتصوموا طامعانين في ثواب أو اجر من عند ربنا .. انا مالي؟؟) وده لما كنت بحس اني مفروض علي واني بعمل كده تجنبا لنظرات الاستهجان مثلا.
لكن اعتقد ان المسألة ابعد من الاكل ومالهاش علاقة بالنسبة لي على الاقل بالاخر او الصائم لكن ليها علاقة بي انا شخصيا .. يعني بالظبط زي ما اتعلمنا زمان اننا نراعي مشاعر الاخرين وده نابع من مبادئ إنسانية مش دينية ..
ومالوش اي علاقة باي فرض او اجبار واعتقد وعن تجربة ان الموضوع ده كان ليه مردود إيجابي ومتبادل على الاقل بالنسبة لي .. فاثناء الصيام مثلا كان اصدقائي من المسلمين بيضطروا انهم ياكلوا الفول مثلا او انهم يراعوا في ترتيباتهم ما يناسبني .. وهكذا ..
مش شايفة ابدا ان اي حاجة من دي ليها علاقة بالدين انما مسألة عادات اجتماعية ومبادئ إنسانية.
---
فيه حاجة كمان حابة اعلق عليها وهي الصدقة او العشور او غيرها .. اغلبنا ماشي بالمبدأ الاتي (اللي يعوزه البيت يحرم على الجامع) او في هذه الحالة (اللي يعوزه المسيحي يحرم على غيره) او الاقربون أولى بالمعروف.
وفي الحالة دي بالذات تعريف مفهوم القريب الاولى بالمعروف هو اللي هيحسم المسألة .. واعتقد ان مثل السامري الصالح ممكن يجاوب على السؤال ده من غير تردد.
بالنسبة لي العشور او الصدقة تذهب إلى الاكثر احتياجا سواء كانت صدقة مالية او عمل او مجهود او غيرها ..
-----------
ليه محدش جاوب على السؤال ده؟؟؟
(كيف أتعامل مع شخص ملتحى ملتزم متدين ويكرهنى من الأساس؟!!)
موقف قابلته كتير ومن اكتر الامور اللي بتأثر على سلامي وعلاقتي بالاخرين .. الحاجات اللي زي دي فعلا بتسيب أثر وبتضايق بجد ..
بس على فكرة اللي زي ده يا اخناتون مش بيبقى ملتزم بيبقى متطرف .. والعينة دي منها كتير في بلدنا .. اللي اتربوا على برامج التلفزيون وشرايط وكتب الرصيف
اللي يعوزه المسيحي يحرم على غيره
أعتقد أن من يعتقدون بهذا المثل "اللي يعوزه المسيحي يحرم على غيره" أو يعطون العشور فقط للكنيسة لم يفهموا أبداً "مثل السامرى الصالح" (لو 10 : 27-37) ولم يفكروا أبداً فى تنفيذ الوعظة على الجبل (مت 5 : 43-48)
الحقيقة يا بلوستون، فيه سؤالين محدش جاوب عليهم:
كيف أتعامل مع شخص ملتحى ملتزم متدين ويكرهنى من الأساس؟!!
ومن قتل السادات؟!!
هل تجدين النقطة المشتركة اللى ممكن تخللى الناس متجاوبش على السؤالين دول؟!!
"Why google is developing
"Why google is developing everything (GTalk, Google Desktop, ...) for Microsoft Windows only and not for Linux too, knowing that Linux is being very popular now?!!!"
Because Linux will be locked out .. haven't you heard the news? unless the developers cooperate to include closed-source drivers. Linux will be locked for years and other things too I don't recall them now... also because Google products are mainly made for the end desktop users and their majority(as you all probably know) are using Microsoft Windows ...
Google as any corporate giant looks for profit, their motto is 'be good' and make money too...
alnokta
طب صلي عالنبي :)))
المفروض أعلق على انهي واحدة؟
أنا شايف موضوع الأكل في العلن في رمضان واخد حجم كبير؟..بشكل عام كان في بيان بيصدر من هيئة رسمية سعودية قبل كل رمضان، وبصيغة مهذبة جدا، يطلب من غير المسلمين عدم الأكل في العلن أثناء رمضان مراعاة لمشاعر المسلمين، انت فكرتني بالبيان ده النهاردة، وفكرتني اني معدتش باسمعه من سنوات
))
أيا كان السبب فانا شايف الموضوع أبسط من كدة كتير..أنا باتكلم بالنسبة لغير المسلم يعني..فانا شايف الموضوع فعلا بسيط وملوش علاقة لا باحترام ولا باحتقار، أنا باعتبر الإهانة بتبقى من المسلم اللي يجاهر بالفطر، في حالات معينة، زي مثلا لما أشوف شاب مسلم ماشي بالسيجارة في وسط الشارع في نهار رمضان، بعيد عن الجدل اللي عمله الحاج عبدالرحمن البنا، فانا ممكن اعتبر دي إهانة فعلا، بخلاف ما لو كان واحد بياكل على فكرة، يعني امبارح بالمناسبة ضغطت على واحد عشان يفطر في الشارع لما جاله هبوط في السكر، السبب هنا هو انه عندنا بخلاف آداء الشعائر فاحنا مطالبين بتعظيمها، يعني حتى لو مش هاؤديها، يبقى لا أستهين بها..
طب اللي فات ده كله للمسلم، إنما واحد مش مسلم أصلا وشهر رمضان لا يعني له حاجة، بديهي أنا مش هاطالبه بحاجة، عمل هو حاجة من نفسه "جنتلة يعني" كتر خيره، معملش برضو مليش عنده حاجة..
انما طبعا في حاجات كتير جدا المفروض، انه الواحد بيعملها جنتلة من عنده، بنلاقيها بقت واجب مفروض علينا ولو معملناهاش نلاقي الدنيا كلها بقت علينا..معلش، هي الدنيا كدة
))
_________________
بالنسبة للعشور برضو، أنا شايف انكم تقصروها على فقراء المسيحيين، أنا أهوه مسلم وباقول لك هذا ما أود حصوله فعلا، ومثل هذا الفعل في رأيي هيكون في صالح السلام الاجتماعي بين المسلمين والمسيحيين
الحكم من المجتمع على الفاطر
إيه عرفك ديانة اللى ماشى فى الشارع بيشرب سجارة؟ هى ديه الفكرة، إنه لا يمكن التفريق بين مسلم ومسيحى وأى متدين بديانة آخرى واللى ماشى فى الشارع وبيجاهر بالفطار؟
أنا شخصياً بشوف الصوم فعل شخصى بين الانسان وآلهه ولا يجب الحكم من المجتمع على غير الصائم حتى بالازدراء وحسب علمى لا يوجد حد شرعى على غير صائم فى الاسلام...
على العموم كل سنة وإنت طيب بمناسبة عيد الفطر.
فى صالح السلام الاجتماعى
اللى مش فاهمه إزاى قصور العشور على فقراء المسيحيين وقصور الزكاة على فقراء المسلمين ممكن يكون فى صالح السلام الاجتماعى، معلش يا ريت تفهمنى وجهه نظرك...
Do whatever you want..your
Do whatever you want..your freedom is your inner feeling.
If you feel free..you will act freely!
Just Eat!
inner freedom
Thanks Mohamed, you short it in few words. The problem not about eating actually but also ur words is the suitable answer, however it's very difficult to feel such inner freedom.
Post new comment