Primary Links:

My Photos

ikhnaton2 @ flickr

Search

Recent comments

Support

Google Egypt Campaign EGYPT Bloggers Blog Flux DirectoryCall for Peace & Openness يوتوبيا مصرية Egyptian Bloggers Group مرصد المدونين

Syndicate

Syndicate content

عن التدوين

Submitted by ikhnaton2 on Fri, 23/03/2007 - 2:39am.
طيب، من مدة طويلة تم تمرير كذا تاج لىَّ وما كنتش مستعد أخش اللعبة دى مش عارف ليه!!! لكن النهارده حابب أجاوب على التاج بتاع بلوستون والباقى فى بوستات تانية إن شاء الله.
  • هل انت راضى عن المدونة شكلا وموضوعأ؟
    • شكلاً، أيوة. صحيح زهقت شوية من التيمة الحالية وبفكر أغيرها لكن معنديش وقت لده.
    موضوعاً، لحد كبير. صحيح فيه موضوعات كتير نفسى أكتب فيها بس مش عارف أعبر كويس. وفى موضوعات تانية عايز أكتب فيها بس خايف أكتب فيها لأنها موضوعات حساسة جداً اجتماعياً. زى مثلاً نظرتى نحو الأديان، نظرتى نحو الله، نظرتى نحو الآخر، نظرتى للجسد عموماً وللجسد الأنثوى خصوصاً، نحو المرأة، نحو المعاق ذهنياً، مثل رأى فى الرئيس مبارك، نظرتى للمسيحية، خبرتى مع الاسلام.

  • هل تعلم أسرتك الصغيرة بأمر مدونتك؟
    • طبعاً. تقريباً كل اللى يعرفنى، يعرف مدونتى وده بردك بيسبب مشكلة إنى مش بعرف أكتب كل حاجة لحسن حد يفهمها عليه ويزعل.

  • هل تسببت المدونات بتغير ايجابى لافكارك؟ اعطنى مثال فى حالة الاجابة بنعم؟
    • أكيد، عرفت حاجات كتيرة جداً. فى المدونات تبادل خبرات فظيع. تبادل آراء وأفكار ونشاطات وموسيقى وكتب ولغة وتعبيرات وخبرات. عشان كده بحب المدونات اللى بتتكلم من خلفية الخبرة الشخصية أكتر من المدونات الإخبارية أو اللى موادها منقولة أو بحثية أو رسمية الأسلوب.

  • هل تكتفى بفتح صفحات من يعقبون بردود فى مدونتك ام تسعى لاكتشاف المزيد؟
    • بحاول أقرا بوست أو بوستين لمن يعقبون عندى، لو شدنى بأضيفه للـreader بتاعى علطول وبأضيفه بردك على my delicious

  • ماذا يعنى لك عداد الزوار.. هل تهتم بوضعه فى مدونتك؟
    • معنديش عداد ومش عايز أركب عداد. فيه مخالفة ولا حاجة!!!

  • هل حاولت تخيل شكل اصدقائك المدونين؟
    • معظم المدونيين اللى بقرالهم قابلتهم وبعرف شكلهم أو على الأقل شوفت صورهم.

  • هل ترى فائدة حقيقة للتدوين؟
    • أكيد، على المستوى الشخصى، أنا بستفيد كتير جداً من كتابة أفكارى. وبستفيد أكتر من قراية المدونات التانية.

  • هل تشعر ان مجتمع التدوين مجتمع منفصل عن العالم المحيط بك ام متفاعل مع احداثه؟
    • أبداً، لكن ماننساش إن لكل واحد مجتمعه الخاص بيه.

  • هل يزعجك وجود نقد بمدونتك؟ ام تشعر انه ظاهرة صحية؟
    • خالص، لا يزعجنى طالما نقد موضوعى وصاحبه مستعد للمناقشة.

  • هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
    • مش بخاف لكن بشوفها غير مفيدة لأن السياسة فى مصر لعبة قذرة مش بأجيد أوراقها لكن ده ميمنعش أنى أقول رأيى فى حاجة لو حاسس إنها مستاهلة فعلا والحقيقة أنا مش شايف إن فيه حاجة مستاهلة بعد الانتخابات الرئاسية السابقة وعرفت إن اللى هاننام عليه هانصبح عليه إحنا ولادنا وولاد ولادنا.

  • مين اكتر مدونين أثروا فيك؟ وليه؟
    • الحقيقة أعتقد إن علاء ورامى وإبليس وألف وعمرو غربية من أكتر الناس اللى عجبنى أسلوبهم النقدى التفكيكى فى الكتابة خصوصاً فى بدايات التدوين. شاهد عيان من أكتر الناس اللى بتعجبنى مدونته أسلوباً وموضوعاً. شريف إبن عبد العزيز من الناس بردك اللى بيعجبنى أسلوب تفكيره بس بيكتب مقالات طويلة جداً.

  • مين من المدونين بتحس انه شبهك؟
    • شاهد عيان، كتير بيكتب حاجات ببقى حاسس إنى أنا اللى قايلها ومش بعرف أعلق عادةً على الموضوعات دى. كمان بلوستون، ساعات بتكتب نفس اللى بفكر فيه.

  • آخر سؤال: تحب تسمع ايه؟
    • أى حاجة هادية لو سمحت :)

Posted in | | | | | | Submitted by ikhnaton2 on Fri, 23/03/2007 - 2:39am.
ikhnaton2's blog | 900 reads

Comment viewing options

Select your preferred way to display the comments and click "Save settings" to activate your changes.

:)
The Eyewitness (not verified) | Wed, 28/03/2007 - 2:05am

شكراً يا أخناتون2 على الكلام ده كله، أنا مبسوط جداً أنك بتلاقي حاجات على المدونة بتحس أنك كنت قايلها قبل كده... ده شيء بيعنيلي كتير...

reply

صديق حقيقى
ikhnaton2 | Wed, 28/03/2007 - 11:34pm

وأنا بشكر ربنا على وجودك كصديق لىّ
كل سنة وإنت طيب Smiling

reply

Post new comment

Please solve the math problem above and type in the result. e.g. for 1+1, type 2
The content of this field is kept private and will not be shown publicly.
  • Images can be added to this post.
  • Allowed HTML tags: <a> <em> <strong> <cite> <code> <ul> <ol> <li> <dl> <dt> <dd> <ins> <del> <blockquote> <span> <center>
  • Lines and paragraphs break automatically.
  • Textual smileys will be replaced with graphical ones.
  • Lines with mixed Arabic and English, its direction will be switched automaticaly.
More information about formatting options