A Whisper

حادث حريق السيارة،على ما أعتقد ممكن يكون وراه أبعاد أخرى غير دينية، المصريين كانوا مستهدفين في العراق في فترات معينة
وده رغم تسامح العراقيين بصفة عامة مع الغرباء، لكن فيه عراقيين كانوا في حالة من الغضب تجاه المزايا اللي بيحصل عليها المصري خصوصا في زمن الحرب، وابن البلد بيموت على الجبهة.. الموضوع مش انكار للتعصب الديني ودوره، لكن فيه دوافع خفية أخرى، بمعنى إنه إلى جانب سبب ظاهر هو إيذاء شخص غير مسلم، فهناك سبب خفي غير معلن، هو ان هذا غير المسلم، هو غير عراقي، وكمان مصري مميز، وهناك مواقف شبيهة - أخف حدة- تعرض لها أقاربي

أعتقد انه فيه خيط مشترك في اللي اتكتب هنا لحد الآن.. انت من نفس جيلي تقريبا، فخلاف اننا ابناء عصر بيتحدث عن ثقافة عالمية واحدة بتضع هويتنا في خطر، إلا اننا بنعاني من مأزق التعرف على هويتنا اصلا

الاتجاه إلى الدين والتمركز حوله أحيانا بيكون محاولة من الأفراد لاثبات هويتهم، بل ممكن يكون الدين في حالة متقدمة بديل لغياب الأيديولوجيات الشمولية اللي كانت بتشمل الهويات والثقافات المتعددة

مشكلة الشاب المسيحي المصري شبيهة بمشكلة الشاب المصري المسلم، هي انهم مش قادرين يكونوا رؤية شاملة لهويتهم
وبيحصل إنه يتورط البعض في البحث في الشيء الواضح اللي بيميزهم عن غيرهم في المجتمع اللي بيعيشوا فيه - الحالة المسيحية المصرية- أو اللي بيميزه عن المجتمعات الأخرى زي الحالة الاسلامية
يعني الانكباب على الدين والتعامل معاه على انه كل شيء، رغم انه في النهاية الدين هو جزء من كل شيء..

كمان الانخراط في اعتناق أفكار زي القومية العربية أو الاشتراكية..الخ ساعات بيكون مهرب من المشكلة دي، يعني في النهاية يبقى الأخ شيوعي، أو عروبي، سواء كان مسلم أو مسيحي مش مهم، كإن ده الحل

لازم يكون فيه كتابات جديدة بتهتم للهوية المصرية بما تتضمنه من تأثيرات دينية وثقافية مختلفة على مر التاريخ.. أعتقد انه الهوية المصرية معقدة جدا، ومش بالبساطة إننا نقول عليها فرعونية وبس
ممكن دي تكون بداية

فيه كلام تاني عايز أقوله متعلق بالموضوع، بس أجرب التعليق ده الأول، عشان كتبت تعليق قبل كده ومنزلش

فعلا أنا فهمت غلط
التعليق اللي منزلش كان على البوست السابق.. كان تعليق يحوي عبارات الثناء، وتسجيل إعجاب بهذه الحلقات، عجبني فيها إنها بتتتبع علاقتك بالأديان وأهل الأديان، وده موضوع شيق
الدين ثالث أضلاع الاثارة، لكن الأهم من الاثارة إن فيه رأي شخصي كمان

The flow of inspiration of memories stoped or you are "enjoying" (I know that enjoying may be not the proper world in this stage of your life) the weekend?

يا رامي كمّل المجموعة دي بسرعة. دي جميلة جداً و مشوّقة.
في موضوع الأب دانيال، أظن الحَرم كان متعلق باتهامه "بالفكر البروتستانتي" دون تحديد للخلاص في لحظة. أنا فاكر أن أكثر شيء جرح مشاعري في الموضوع هو طريقة التجريد. فاكر كويس الإعلان على ربع صفحة بالأهرام بعنوان "تجريد راهب قبطي"، يومها شعرت بلإهانة إللي ممكن تصيب الراهب ده! مع أني عمري ما حبيت كتبه و لا قدرت أخلّص واحد منها. كمان كتاب "الفخ انكسر" كان بيصيبني بالكوابيس و الغثيان. لكن انفعلت جداً من طريقة الكنيسة الرسمية في التعامل مع الموضوع / المشكلة على الرغم من صغر سني وقتها.