A Whisper

الأول أحب أشكرك على لينك المسرحية فأنا مسمعتهاش قبل كده. والحقيقة أنا أول مرة أسمع عن قصة أصحاب الأخدود وعلاقتها باليمن. وده يمكن لأن دراسة مادة الدين الإسلامى فى ثانوى كانت جد شوية خصوصاً فى مادة الفقة ومكانش فيها حكايات كتير إلا فى السيرة النبوية.

على فكرة أنا فاكر إنه كان فيه يهود موجودين فى اليمن حتى اليوم الذى غادرت فيه ولكن عددهم كان قليل جداً وعمرى ما سمعت عن أى إحتكاك بينهم وبين المسلمين اليمنين. أما بخصوص إذا كان اليهود مؤمنين ولا لأ فالصراحة أنا بشوف الإيمان بمنظور تانى. بمعنى مش بس أصحاب "الأديان السماوية" (مع التحفظ على المسمى) هم "المؤمنين". كل واحد هو "مؤمن" فى حد ذاته حتى الملحد لديه إيمانه.

من ناحية تانية، أحب أستغل النقطة اللى إنت ذكرتها فى أن أصحاب الأخدود "المؤمنون" وأهل الكهف كانوا مسيحيين فى إنى أقول لبعض المتشددين من التيار الإسلامى، إذا كان الله نعت المسيحيين فى القرآن بالمؤمنين، فلماذا تكفرهم أنت؟

فكرة تكفير الآخر الآن تدهشنى رغم أننى مررت بها لست كمنعوت بالكفر فقط ولكن كمكفر أيضاً(!!!)

نعم هم مؤمنون، فكما يؤمن المسلم بنبوة عيسى (عليه السلام) يؤمن بأن من آمنوا به مؤمنون، ولكن نبوة عيسى نسخت ببعثة محمد (صلى الله عليه وسلم) ومن وجهة النظر الإسلامية، من كفر بمحمد فقد كفر بعيسى، لأن دين الله واحد وكل رسول ينسخ رسالة من قبله.

متفهم وجهه نظرك يا خالد ولن أدخل فى نقاش بزنطى معك على تعريف نسخ ما قبله وما بعده ولكن هل نسخ ما قبله يؤدى بالضرورة لتكفيرهم، ألم يكن وقت نزول القرآن هو نفس الوقت لنسخ ما قبله بحسب مفهوم نسخ ما قبله؟!!

من ناحية آخرى، واقعياً وللأسف، يقيم كل أصحاب دين أو طائفة أو مذهب على تكفير الأخر.

نحن نهوى النعوت وتصنيف الآخرين فبداخل كل إنسان حب الانتماء لشئ ما، لكيان ما، لجماعة ما ليجد ذاته وهذ الاحتياج يولد رغبة دائمة برؤية هذا الكيان متفوقاً على الكيانات الآخرى. فى رأيى حب الانتماء هذا ليس بالشئ السئ ولا الرغبة فى تفوقه، لكن عندما تعمينا هذه الرغبة عن قبول الكيانات الآخرى بل وتكفيرها وإعدامها هو ما أرفضه.

لسه المنغصات من أبناء نفس الدين جايه فى السكة الحلقات ماخلصتش، إنت ذهقت ولا إيه؟!!!

بفكر بقى الحلقات الجديدة بعد ما أخلص دول تكون عن إكتشاف الجسد بين الجنس والتجانس ، إيه رأيك؟ بالزمة مش هتبقى حلقات جامدة ومثيرة للجدل أكثر. لأ بجد نفسى أكتب عن الجسد من زمان أوى بس مش عارف أبدتى منين؟ لو عندك أول الخيط، شاورلى عليه...

أنا بشجع جداً فكرة حلقات الجسد والجمس ده...نفسي أكنب عن الموضوع ده من زمان بس حسه أكبر مني شوية لحد دلوقتي....
لكن مش عايزك تستعجل في أنهاء الحلقات ده، عايزك تكتب كده على مزاجكك عشان بحب أقرى قصة مع الأديان، حتى لو كنت عارفها أو شاركتك جزء منها...
أديني أكتر....

موضوع الجسد فى دماغى بردوا من زمان زيه زى موضوع الطوائف والأديان ولكن لكل شئ تحت السماء وقت. لما يجى الوقت اللى أحس فيه إنى قادر أكتب أو فيه حاجة قوية بدفعنى إنى أكتب فيه هأدوس على طول ولو ما جاتش المناسبة خلاص

ليه فكرة مخيفة؟!!!! من ناحية هى مخيفة؟!!

بالنسبة لسؤالك، أنا مكنتش مدرك وقتها إذا كنت مؤهل ولا لأ. كنت أقرأ الأول بدافع المعرفة ثم بدأت القراءات تجر بعضها من فلسفة للتانية ومن دين لأخر وده عملّى بلبلة خصوصاً لما رجعت تانى للمجتمع اللى كنت عايش فيه ولقيته زى ما هو وأنا إتغيرت وأصبحت أفكارى غريبة عليهم.

بالتوازى ولا بالتوالى مش عارف ومعنديش إجابة واحدة وأشك أن تجدى إجابة صحيحة لأن ده يرجع للشخص نفسه وللهدف اللى عايز يوسع معرفته عشانه. ولو عايزة رأيى الشخصى، الذى قد يحتمل الخطأ أكثر من الصواب، إقرائى ولا تخافى أن تفقدى إيمانك بديانتك ولكن قد تصليين لمعرفة الله بشكل أعمق وبعلاقة شخصية وبإيمان أقوى وهذا هو الأهم بالنسبة لى. نقطة آخرى قد تجاهلتيها وهى ليس بالكتب ولا بالقراءة يحيى الإنسان. أتمنى تكونى فهمتى قصدى صح...

للأسف أنا مش فاكر أسم الكتاب، لكن هو كتاب صعير وأعتقد أنه بيتكلم عن التربية أو التعليم حاجة ذي كده... ولشديد الأسف أني مش هاقدر أدور على الكتاب قبل 8 أو 9 شهور من دلوقتي لأن في البلد آلي أنا فيها معندهومش كتب للأنبا غريغوريوس...