A Whisper

مش ممكن، إتسألت السؤال ده أكتر من مليون مرة خلال أقل من شهرين. وساعات نفس الشخص يسأل نفس السؤال كل يوم بعد: "صباح الخير، عامل إيه ... هه أخبار الجواز إيه؟؟" ... نفس السؤال، بنفس الصيغة، وحتى بنفس التون والإحساس والضحكة الصفرا...

فى الأول كنت بحاول أدور وأعصر دماغى عشان أعرف أتكلم عن الجواز فى محاولة ناقصة للإجابة على السؤال المنيل ده. لكن أصلاً الشخص اللى قدامك مش عاوز يسمع، ده كان بيسأل وخلاص. مش لازم بقى نفلسف المواضيع ونعقدها. هى الناس متبرمجة على إنه الجواز عسل فى الفترة الأولى وبعدين بيقلب بصل بعد شوية، هتوجعله دماغه ليه بقى عشان يفكر فى حاله وإزاى ممكن يتغيير، فبقيت بجاوب دايماً وأقول: "ميه ميه" وأصبح هذا السؤال بالنسبة لى مثل باقى الأسئلة المعتادة يومياً والتى نستخدمها ونجاوب عنها بدون تفكير مثل: "إزيك، عامل إيه؟" فتكون الإجابة الآلية: "الحمد لله وإنت؟"

الغريبة إنه ممكن واحد ناوى يُخُطُب أو خاطب وناوى يتجوز، يسألنى بعد كده: "يعنى ندوس؟!!!!" وكأن تجربتى هى مؤشر للجواز من عدمه!!!

السؤال الوحيد اللى إحترمته وخلانى أفكر شوية سألهونى صديق فرنسى: "How deeply did the fact that you got married change you?" ولنا هنا وقفة آخرى

لماذا أبقى أنا حيث لا تكون أنت
لماذا أذهب مبكراً وأتركك وحدك

لماذا أتوق إلى تلك اللحظات فى العالم الآخر
لماذا أخاف أن أستسلم لتلك اللحظات

لماذا يحرقنى الشوق فى وقت وحدتى
لماذا لا أشعر ببركانك الثائر بداخلك

لماذا تنفجر الكلمات قبل أن أفكر فيها
لماذا لا تخرج الكلمات من شفاهى

لماذا أتعجل الغد
لماذا لا أتخيل كم سيكون الغد جميلاً

لماذا أحاول أن أعطيك كل حريتك
لماذا لا أسمح لك أن تشعر بالحزن أحياناً

لماذا أحب تلك الرائحة
لماذا أخاف تلك اللمسات